शहिद लखन गाउँपालिकामा ४२ जनाको डायग्नोष्टिक र्‍यापिड टेस्ट, सबैको रिपोर्ट नेगेटिभ,

प्रकाशित मिति : Tue-21-Apr-2020
- भीमलाल श्रेष्ठ

गोरखा, ९ वैशाख । गोरखाको शहिद लखन गाउँपालिकाले विदेशबाट फर्किएहरुको र्‍यापिड डाइनोस्टिक टेस्ट (आरडीटी) विधिबाट कोरोना संक्रमण परीक्षण सम्पन्न गरेको छ ।

चैत १ गतेपछि भारत लगायत अन्य मुलुकबाट आएका ४२ जनाको र्‍यापिड टेस्ट गरिएकोमा सबैको नेगेटिभ देखिएको गाउँपालिकाका अध्यक्ष रमेश बाबु थापा मगरले विद्युत संसारलाई जानकारी दिए।

यस शहिद लखन गाउँपालिकाका ४२ जनाको र्‍यापिड टेस्ट विधिबाट दुई ठाउँमा टेस्ट गरिएको थियो । गाउँपालिकाको वडा नं १, २, ३, ४, र ५ का १६ जना पुरुष मात्र रहेको मनकामना स्वास्थ्य इकाईमा यहि बैशाख ८ गते र वडा नं. ६, ७, ८ र ९ को २६ जना मध्ये २३ जना पुरुष र ३ जना महिला सहित को बैशाख ७ गते जनशक्ति मा.वि. ,नामजुङमा गरिएको गाउँपालिकाका अध्यक्ष मगरले बताए ।

प्रत्यक्ष अप्रत्यक्ष रुपमा कोरोना भाइरस नियन्त्रण कार्यमा खटिने गाउँपालिका विभिन्न संघ, संस्था, एनजिओ,आईएनजिओ एवं परीक्षणमा सहयोग गरिदिनु हुने स्वास्थ्य कार्यालय गोरखा प्रति सबैमा धन्यवाद व्यक्त गर्दै निरन्तरको सहयोगको अपेक्षा रहेको शहिद लखन गाउँपालिका प्रमुख प्रसाशकिय अधिकृत जीवन बहादुर आलेमगरले विद्युत संसारलाई बताए ।