लकडाउनमा घरमै बसेर कसरी लिने ई–पास ? यस्तो छ प्रावधान :

प्रकाशित मिति : Wed-15-Apr-2020
- Admin

काठमाडौं , बैशाख । जिल्ला प्रशासन कार्यालय काठमाडौंले अब अनलाइनबाटै अनुमति (ई–पास) दिने व्यवस्था गरेको छ । नेपालमा कोरोना भाइरसको संक्रमणपछि लकडाउनको अवस्थामा अत्यावश्यक रुपमा आवतजावत गर्ने सवारी साधनका लागि इ–पासको व्यवस्था गरेको हो ।

ई–पास वितरण प्रणालीले चाप र जोखिम दुवै बढाइरहेका बेला उसले अनलाइनबाटै ई–पास वितरण गर्ने व्यवस्था मिलाएको हो ।

अत्यावश्यक रूपमा कसैलाई सवारी पास चाहिएमा अब उप्रान्त ई–पासको व्यवस्था मिलाइएको छ ।

कसरी लिने ई–पास ?

ई–पास लिन आवेदकले मोबाइलको म्यासेजबक्समा गएर १११२ मा एसएमएस गर्नुपर्नेछ । तपाईले एसएमएस गर्दा जुनसुकै कोड राख्न सक्नुहुनेछ ।

एसएमएसपछि गृह मन्त्रालयको https://epass.moha.gov.np/ लिंक उपलब्ध हुने र इच्छुकले उक्त लिंक खोली त्यहाँ उल्लेखित विवरण भर्नुपर्ने प्रशासनले जनाएको छ ।

त्यसमा अनलाइनमा नागरिकता, सवारी साधनको विवरण, पास चाहिएको अवधि, किन चाहिएको हो भन्ने विषय समेत खुलाउनु पर्नेछ । यी विवरण भरेर मात्रै पनि हुँदैन । त्यसका लागि सहयोगी कागजात पनि अपलोड गर्नुपर्ने हुन्छ ।

प्रशासनले उचित लागेमा आवेदकको मोबाइलमा कोड नम्बर (पास) उपलब्ध गराउने छ ।