तल्लो तादी खोला आयोजनाको ८५ प्रतिशत काम सम्पन्न

प्रकाशित मिति : Fri-28-Feb-2020
- Admin

नुवाकोट, फागुन । तल्लो तादीखोला जलविद्युत आयोजनाको ८५ प्रतिशत काम सम्पन्न भएको छ । २०७७ सम्म निर्माण सम्पन्न गर्ने लक्ष्यका साथ निर्माणाधिन उक्त आयोजनाको सिभिल सहित ८५ प्रतिशत काम सम्पन्न भएको हो ।

बुद्धभूमि नेपाल हाइड्रोपावर कम्पनीद्धारा निर्माणधिन सो आयोजना अबको ३ महिना भित्र सम्पन्न गर्ने लक्ष्य लिएको कम्पनीका अध्यक्ष पूर्णलाल श्रेष्ठले बताए । ०७७ जेठ मसान्तभित्र राष्ट्रिय प्रसारण लाइनमा जोडिने गरी आयोजना निर्माण भइरहेको उनले जानकारी दिए ।

आयोजनाको तादीखोला र चन्द्रवती खोलाको संगमस्थल समुद्रटार दोभानमा बाँध बनाएको छ । आयोजनाको विद्युतगृह लगायत संरचना बाहिर छन् । बाँधस्थल दुप्चेश्वर गाउँपालिका–५ हुँदै पञ्चकन्या गाउँपालिका–४ थप्रेक नौटारीमा तीन हजार मिटर लामो पेनस्टक पाइपबाट विद्युत्गृहमा पानी पठाई बिजुली उत्पादन गरिनेछ । आयोजनाको निर्माण लागत ९८ करोड रुपैयाँ छ ।