काठमाडौं,फागुन ।  सरकारले पेट्रोल र डिजेलमा विकास कर बढाएको छ ।

आज सञ्चार तथा सूचना प्रविधिमा आयोजित नियमित पत्रकार सम्मेलनमा सरकारका प्रवक्ता तथा अर्थमन्त्री डा. युवराज खतिवडाले प्रतिलिटर ५ रुपैंयाबाट बढाएर  १० रुपैंया पु¥याएको बताएका छन् ।

मन्त्रिपरिषद्को फागनु १२ गते बसेको बैठकले डिजेल र पेट्रोलमा लगाइँदै आएको प्रतिलिटर ५ रुपैयाँ विकास करलाई बढाएर १० रुपैयाँ बनाएको सम्मेलनमा डा. खतिवडाले यसबारे जानकारी दिएका हुन् ।

सरकारले यसअघि गोरखा र धादिङमा बनाउन लागिको १२ सय मेगावाटको जलाशययुक्त बुढीगण्डकी जलविद्युत आयोजनाका लागि पेट्रोलियम पदार्थमा सरकारले प्रति लिटर ५ रुपैयाँ कर विकास कर लगाउने गरेको थियो । तत्कालीन सञ्चार मन्त्री गोकुल बाँस्कोटा सेक्युरिटी प्रिन्टिङ प्रेसको कमिसनकाण्डमा मुछिएपछि प्रधानमन्त्री केपी शर्मा ओलीले खतिवडालाई नै सञ्चार मन्त्रालयको जिम्मेवारी दिएका छन् ।