पोखरा इलेक्ट्रिक एशोसिएसनको साधारण सभा सम्पन्न

प्रकाशित मिति : Mon-03-Feb-2020
- Admin

पोखरा, माघ । पोखरा इलेक्ट्रिक एशोसिएसनको २० औँ वार्षिक साधारण सभा तथा बनभोज कार्यक्रम सम्पन्न भएको छ । साधारण सभा तथा बनभोज कार्यक्रम माघ १८ गते पोखरा स्थित दोबिल्लामा भएको हो ।

पोखरा भित्र रहेका विद्युतीय व्यवसायीहरुको हकहितका लागि काम गर्दै आएको एशोसिएसनले विद्युतीय व्यवसायीहरुलाई परेको समस्या, व्यवसायीहरुको आवश्यकता, माग लगायका विषयमा काम गर्दै आएको छ । एशोसिएसनले व्यावसायिक हितका लागि मात्र नभई सामाजिक कार्यमा पनि सक्रिय भूमिका निर्वाह गर्दै आएको छ ।

एशोसिएसनको साधारण सभा तथा बनभोज कार्यक्रममा नेपाल विद्युतीय व्यवसायी महासंघका अध्यक्ष सुर्दशन पौड्यालको प्रमुख आथित्य रहेको एशोसिएसनका अध्यक्ष राजु भण्डारीले जाकारी दिए । त्यस्तै विशेष अथितिहरुमा उद्योग बाणिज्य महासंघ गण्डकी प्रदेशका अध्यक्ष सन्जिव बहादुर कोइराला र पोखरा उद्योग बाणिज्य संघका अध्यक्ष दामु अधिकारी रहेका थिए । त्यस्तै अतिथिहरुमा महासंघका सल्लाहकार महेन्द्र कुमार राठी, प्रेम बहादुर जिसी, पूर्व अध्यक्ष गोविन्द प्रसाद कँडेल, रुपन्देही विद्युतीय व्यवसायी संघका अध्यक्ष हरीहर ज्ञावाली, तनहुँ विद्युतीय व्यवसायी संघका अध्यक्ष सन्तमा श्रेष्ठ लगायत उपस्थिति रहेको थियो ।

बनभोज कार्यक्रममा ८० भन्दा बढी विद्युतीय व्यवसायीहरु परीवार सहित उपस्थित रहेको एशोसिएनका अध्यक्ष भण्डारीले जानकारी दिए । कार्यक्रममा एशोसिएसनको आर्थिक तथा वार्षिक प्रतिवेदन प्रस्तुत गरीएको बताए ।