पदमखोला आयोजनाबाट विद्युत उत्पादन सुरु

प्रकाशित मिति : Wed-22-Jan-2020
- Admin

दैलेख, माघ । दैलेखको नौमूले गाउँपालिका ५ मा निर्माण भएको पदमखोला जलविद्युत आयोजनाबाट विद्युत उत्पादन सुरु भएको छ । ४.५ मेगावाट विद्युत उत्पादन क्षमता रहेको पदमखोला हाइड्रोपावर कम्पनी बाट उत्पादन भएको १६ सय किलोवाट विद्युत केन्द्रीय प्रशारण लाइनमा जोडिए सँगै विद्युत उत्पादन सुरु भएको हो ।

वर्षा याममा ४.५ मेगावाट उत्पादन क्षमता हुने भए पनि हाल पानी कम भएका कारण १६ किलोवाट उत्पादन विद्युत केन्द्रीय प्रशारण लाइनमा जोडिएको कम्पनीले जनाएको छ । कम्पनीका सदस्य कुमार कार्कीले बताए । डोल्टीपावर जलविद्युत आयोजना अन्तरगत सञ्चालित कर्णाली प्रदेशमा अहिले सम्मकै ठूलो जलविद्युत उत्पादनका रुपमा हेरिँदै आएको पदमखोला कम्पनीले छोटो समयमै विद्युत उत्पादन गरी केन्द्रीय लाइनमा जोडिएको हो ।

करिव ८० करोड लागतमा उक्र आयोजना सम्पन्न भएको कम्पनीले जनाएको छ । उक्त आयोजनाले निर्धारित समय अगावै काम सम्पन्न भएको हो । पदमखोला जलविद्युत आयोजना नौमूले गाउँपालिका ४ कालिकादेखि करिव २ किलोमिटर टाढाबाट पाइप मार्फत पानी ल्याइ ३ सय मिटर उचाइबाट पानी पावर हाउसमा खसाली विद्युत उत्पादन गरिएको छ ।