दर्खे खोला आयोजनाको काम अझै सम्पन्न हुन सकेन

प्रकाशित मिति : Mon-13-Jan-2020
- Admin

मुगु, पुस । मुगु जिल्लाको छायाँनाथ रारा नगरपालिकामा निर्माणाधिन दर्खे खोला जलविद्युत आयोजना अझै निर्माण सम्पन हुन सकेको छैन । आयोजनाको ८० प्रतिशत काम पुरा भए पनि आयोजनाको बाँकि काम सम्पन्न हुन नसकेको हो ।

साविकको जिल्ला विकास समितिको कार्यालय अन्र्तगत रहेको उर्जा शाखाबाट दर्खे खोला जलविद्युत आयोजना निर्माण भएको हो । स्थानीयले बिजुली बल्नु अघि नै वाइरिङ गरेपनि विद्युत गृह सञ्चालनमा आउन सकेको छैन ।

आयोजना निमार्णका लागि उर्जा कार्यालयबाट ५८ लाख, साबिकको जिल्ला रुगा गाविसबाट १२ लाख, जिल्ला विकास समितिको कार्यालयबाट ५० लाख गरी १ करोड २० लाख रुपैयाँ विनियोजना भएको थियो । विद्युत आयोजना सञ्चालनमा नआउँदा सरकारले उपलब्ध गराउने अनुदान समेत रोकिएको छ ।