विद्युत प्राधिकरण र उद्योगी बीच भएको विवाद समाधानका लागि समिति गठन

प्रकाशित मिति : Thu-09-Jan-2020
- Admin

काठमाण्डौ, पुस । नेपाल विद्युत प्राधिकरण र उद्योगी व्यवसायीहरु बीच हुँदै आएको विवाद समाधानका लागि समिति गठन गरीएको छ । ट्रङ्क लाइन तथा डेडिकेटेट फिडबाट विद्युत आपूर्ति भइरहेकोमा विद्युत उपभोगकर्ता उद्योगी व्यवसायी र विद्युत प्राधिकरण बीच देखिएको विवाद समाधानका लागि समिति गठन भएको हो ।

ऊर्जा ,जलस्रोत तथा सिँचाइ मन्त्री बर्षमान पुन, उद्योग बाणिज्य तथा आपूर्ति मन्त्री लेखराज भट्ट र अर्थ मन्त्री डा.युवराज खतिवडाको आवश्यक समन्वयमा निर्णय भएको मितिले १५ दिनभित्र अध्ययन गरी सुझाव सहितको सिफारीस गर्न समिति गठन गरिएको हो ।

समितिमा ऊर्जा सचिव दिनेश कुमार थपलिया, उद्योग सचिव याम कुमारी खतिवडा, अर्थ सचिव डा. राजन खनाल, नेपाल विद्युत प्राधिकरण प्रबन्ध निर्देशक कुलमान घिसिङ, ऊर्जा सहसचिव सहितको समिति गठन भएको छ । समितिले आवश्यकता अनुसार उपसमिति वा कार्यदल गठन गरी कार्य सम्पादन गर्न सक्ने छन् ।