विपन्न परिवारलाई सोलार वितरण

प्रकाशित मिति : Thu-02-Jan-2020
- Admin

संखुवासभा, पुस । संखुवासभाको मकालु गाउँपालिका का विपन्न तथा निम्न आर्थिक स्तर भएका ५२ घरपरिवारलाई निःशुल्क सोलार बत्ती वितरण गरिएको छ । गाउँपालिकाले सेलसेले सामुदायिक वन उपभोक्ता समिति भित्रका ५२ घरपरिवारलाई निःशुल्क सोलार बत्ती वितरण गरिएको हो ।

मकालु गाउँपालिकाका उपाध्यक्ष चमेली राईले कोशी टप्पु टु कञ्चनजङ्घा संरक्षण को आर्थिक सहयोगमा सोलार बत्ती वितरण गरिएको बताए ।

वातावरण संरक्षण गर्ने उद्देश्यले निःशुल्क रुपमा सोलार बत्ती वितरण गरिएको उनले जानकारी दिए ।

कोशी टप्पु टु कञ्चनजङ्घा संरक्षणका प्रमुख राजीव गोयलका अनुसार वर्षाैँदेखि अँध्यारोमा रात बिताउँदै आएका पावाखोला र बिहीबारेका गरिब र विपन्न घरपरिवार छनोट गरी निःशुल्क सोलार बत्ती वितरण गरेके बताए । निःशुल्क रुपमा सोलार बत्ती पाएपछि स्थानिय खुसी भएका छन् ।