लिखु खोलाको प्रत्याभूतिकर्तामा नागरिक लगानी कोष, आयोजनाको निर्माण कार्य ८५ प्रतिशत सकियो

प्रकाशित मिति : बिही, पौष २, २०७७
- Admin

काठमाडौँ, १ पुस । लिखु खोला हाइड्रोपावर कम्पनीको प्रतिकित्ता एक सय रुपियाँका दरले ६२ लाख ५० हजार कित्ता सेयरको प्रत्याभूति व्यवस्थापनको कार्य गर्न नागरिक लगानी कोषलाई प्रत्याभूतिकर्ता नियुक्त गरिएको छ ।

कोषले सर्वसाधारण नागरिक, आयोजना प्रभावित क्षेत्रका बासिन्दा, सामूहिक लगानी कोष र कम्पनीका कर्मचारीलाई छुटयाएको करिब २० प्रतिशत सेयरको प्रत्याभूति व्यवस्थापन गरेको हो । कम्पनीको जारी पुँजी तीन अर्ब १२ करोड ५० लाख रुपियाँ रहेको छ ।

सेयर प्रत्याभूति कार्य गर्ने सम्बन्धमा कोषका कार्यकारी निर्देशक रमण नेपाल र ग्रिन भेन्र्चका अनिल अग्रवालले मङगलबार सम्झौता–पत्रमा हस्ताक्षर गरे । आयोजनाले रामेछाप र ओखलढुङगा जिल्लाको सिमानामा रहेको लिखु खोलाबाट ५२.४ मेगावाट विद्युत उत्पादन गर्न लागेको छ । आयोजनाको निर्माण कार्य ८५ प्रतिशत सकिएको कम्पनीले जनाएको छ ।

आजको गोरखापत्र दैनिकमा खबर छ ।