रसुवागढी हाइड्रोपावरको आठौं साधारणसभा पुस २० गते

प्रकाशित मिति : सोम, मंसिर २२, २०७७
- विद्युत संसार संवाददाता

काठमाडौँ, मंसिर । रसुवागढी हाइड्रोपावर कम्पनीको आठौँ वार्षिक साधारण सभा आगामी पुस २० गते हुने भएको छ ।

आइतबार साँझ बसेको सञ्चालक समितिको बैठकले चिलिमे जलविद्युत कम्पनीको सभाहल धुम्बाराही काठमाडौँमा साधारण सभा गर्ने निर्णय गरेको हो ।

कम्पनी सचिव नरनाथ न्यौपानेका अनुसार साधारण सभामा सञ्चालक समितिको आव २०७६/७७ को वार्षिक प्रतिवेदन माथि छलफल हुने, लेखापरीक्षकको प्रतिवेदनसहित २०७७ साल असार मसान्तको वासलात र आव २०७६/७७ को नगद प्रवाह विवरण सहितका अनुसूचीहरुमा छलफल गरी पारित गरिने उनले बताए । उनका अनुसार साधारण सभामा शेयरधनीहरुका लागि लाभांश प्रस्ताव गरिने छैन ।

साधारण सभा प्रयोजनका लागि पुस १२ गते शेयर दाखिला खारेज बन्द(बुक क्लोज) गर्ने निर्णय पनि गरिएको छ ।