चिलिमे जलविद्युत् कम्पनीले २० प्रतिशत लाभांश बाँड्ने

प्रकाशित मिति : मंगल, मंसिर १६, २०७७
- विद्युत संसार संवाददाता

काठमाण्डौ, मंसिर । चिलिमे जलविद्युत् कम्पनी लिमिटेडले गत आर्थिक वर्ष २०७६/७७ को मुनाफाबाट लाभांश बाड्ने प्रस्ताव अगाडि सारेको छ ।

कम्पनी सञ्चालक समितिको आज मंगलबार बसेको ३०९ औं बैठकले कुल २० प्रतिशत लाभांश वितरण गर्ने प्रस्ताव गरेको हो ।

कम्पनीको प्रस्तावित लाभांशमा हालको चुक्तापुँजी ५ अर्ब ७० करोड ९७ लाख ६२ हजार ९३८.८८ रुपैयाँको १० प्रतिशतले हुन आउने ५७ करोड ९ लाख ७६ हजार २९३.८८ रुपैयाँ बराबरको बोनस शेयर बाड्ने छ र १० प्रतिशतले नै हुन आउने ५७ करोड ९ लाख ७६ हजार २९३.८८ रुपैयाँ बराबरको नगद लाभांश छन् ।

प्रस्तावित लाभांश स्वीकृतिका लागि बैठकले आउँदो पुस १२ गते आफ्नो २४ औँ वार्षिक साधारणसभा गर्ने निर्णय पनि गरेको छ ।

लाभांश र साधारणसभा प्रयोजनका लागि कम्पनीले मंसिर २९ गतेदेखि पुस १२ गतेसम्म बुक क्लोज गर्ने अर्थात् मंसिर २८ गतेसम्म कायम शेयरधनीहरुमात्र लाभांश प्राप्ति र साधारण सभामा भाग लिन योग्य हुने निर्णय भएको कम्पनीले जनाएको छन् ।