डोजरले ढाल्यो विद्युतको पोल स्थानीय अन्धकारमा, प्राधिकरण भन्छः हामी मर्मत नगर्ने

प्रकाशित मिति : शुक्र, कार्तिक २१, २०७७
- रासस

कात्तिक २१ काठमाडौ । हुम्लाको सिमकोट गाउँपालिका–७ को १५० घरधुरी चार दिनदेखि अन्धकारमा बस्न बाध्य भएका छन् ।

हिल्सा–सिमकोट सडकखण्डको सडक चौडा गर्ने क्रममा डोजरले वडा नं ७ को चौकेधारामा विद्युतको पोल ढाले सँगै निमार्ण हुन नसक्दा चार दिनदेखि यहाँका स्थानीय अन्धकारमा बस्न बाध्य भएका हुन।

साविकको डाडाफयाको जबुका, थाया, ओखरेन, चुकेडी र दलित बस्तीका गरी १५० घरधुरी अनधकारमा बस्दै आएको स्थानीय मन्दिर सिंहले जानकारी दिए ।

अवरुद्ध भएको विद्युत् सेवा मर्मत गर्न नेपाल विद्युत् प्राधिकरण कार्यायलमा जानकारी गराउँदा ठेकेदारले सडक चौडा गर्ने क्रममा पोल ढालेको हुनाले आफूहरुले मर्मत नगर्ने जवाफ दिएको उनले बताए । ठेकेदारले पनि पोल मर्मतप्रति कुनै चासो नदिएको बताइएको छ ।