भर्खरै

बाढीले बगाएर तौलिहवा वितरण केन्द्रका दुई कर्मचारीको निधन

  • प्रकाशित मिति : बुध, असोज ७, २०७७
  • - ऊर्जा खबर
title

काठमाडौं । नेपाल विद्युत् प्राधिकरण तौलिहवा वितरण केन्द्रमा कार्यरत दुई कर्मचारीको आज ९असोज ७ गते बुधबार० साँझ गाडी सहित बाढीले बगाउँदा निधन भएको छ । काम गरेर फर्किँदै गर्दा वाडगंगा खोलामा आएको बाढीले गाडीसहित बगाएको प्राधिकरणकी सूचना अधिकारी लीला अर्यालले जानकारी दिइन् ।
 
अर्यालका अनुसार मृत्यु हुने सुपरभाइजर कृष्ण पौडेल र सवारी चालक माधव पाण्डे छन् । साथै, गाडीमा सवार एक जना उपभोक्ताको पनि मृत्यु भएको उनले जानकारी दिइन् । गाडीमा दुई ज्यालादारी कर्मचारी र अर्का एक जना उपभोक्ता भने खोलामा हाम फालेर पौडेर बाच्न सफल भएका छन् ।
 
मृतक पाण्डेको शव भेटिएको तर पौडेल र अर्का उपभोक्ताको समाचार तयार गर्दासम्म पत्ता लाग्न सकेको छैन । खोलाबाट गाडी समेत निकाल्न नसकेको जनाइएको छ । मृतक पौडेल र पाण्डे अर्घाखाँची र गुल्मी निवासी रहेको प्राधिकरणले जानकारी दिएको छ ।
 
विगत केही दिनदेखि अविरल वर्षा भइरहे पनि प्राधिकरणका कर्मचारी निरन्तर काममा खटिएकै छन् । वर्षा, हावाहुरी र प्राविधिक कारणले विद्युत् आपूर्तिमा आउने समस्या समाधानमा खटिँदा धेरै कर्मचारीले ज्यान गुमाउने गरेका छन् । वर्षा र प्राविधिक कारणले केही समय वा घन्टा सेवा अवरुद्ध हुँदा केही अराजक व्यक्ति तथा समूहले लोडसेडिङ सुरु भएको हौवा फैलाइरहेका छन् ।ऊर्जा खबर  

प्रतिक्रिया

सम्बन्धित समाचार

आगलागी पीडित सन्थाल समुदायका लागि स्थायी घर निर्माण गरिने

विराटनगर, १५ चैत । कोशी प्रदेशका मुख् 21 minutes ago

शान्तिपूर्ण रूपमा देशभर एकैसाथ एसइई परीक्षा सुरु

भक्तपुर, १५ चैत । राष्ट्रिय परीक्षा ब 5 hours ago