काठमाण्डौ उपत्यकामा निषेधाज्ञा एक हप्ता लम्बियो

प्रकाशित मिति : बुध, भदौ १७, २०७७
- शिखर श्रेष्ठ

भदौ १७, काठमाण्डौ, काठमाण्डौ उपत्यकामा निषेधाज्ञा एक हप्ताका लागि लम्बिएको छ ।

बुधबार बसेको तीन जिल्लाकै प्रमुख जिल्ला अधिकारी र सरोकारवालाबीचको बैठकले निषेधाज्ञा एक हप्ता थप्ने हो।

कोरोना भाइरसको सङ्क्रमण बढ्दै गएकोले अर्को एक हप्ता थप कडाइ गर्ने निर्णय भएको छ ।

उपत्यकामा गएको ३ गते रातिदेखि लागू भएको लकडाउन बुधबार राति १२ बजेदेखि सकिने भएपछि फेरि एक हप्ता थपिएको हो । यसअघि १० गतेसम्म लगाइएको निषेधाज्ञालाई लम्ब्याएर बुधबार राति १२ बजेसम्म पुर्‍याइएको थियो ।