विद्युत प्राधिकरणमा कुलमानको पुनःनियुक्ति समाचारमा , वास्तविकता यस्तो

प्रकाशित मिति : मंगल, भदौ ९, २०७७
- विद्युत संसार संवाददाता

भाद्र ९ मंगलवार, काठमाडौ। ‘विद्युत प्राधिकरणका प्रमुख कार्यकारी निर्देशकमा कुलमान घिसिङलाई पुनःनियुक्ति विषयमा सामाजिक सञ्जाल देखी केही अनलाईन मिडिया समाचार आएको छ ।

यस्तै प्रकारका खबर मंगलबार सामाजिक संजाल फेसबुकमा अत्याधिक पोष्ट र शेयर भैरहेको छ । कुलमाननै प्राधिकरणको प्रमुख कार्यकारी बनाउन जनदवाव स्वरुप यस्तो ट्रेण्डिङ चलाइएको हो ।

प्राधिकरणमा कुलमान घिसिङ्को पुनर्नियुक्ति भएको भन्दै आएका कुराहरु असत्य भएको मन्त्रालयका एक उच्च अधिकारीले बताएका छन् ।

प्रस्ताव नगएको अबस्थामा प्रधानमन्त्रीले सिधै प्रस्ताव ल्याएर निर्णय हुन सक्छ तर त्यस्तो संभावना नदेखिने मन्त्रालयका अधिकारीले बताए ।

मन्त्रालय स्रोतका अनुसार यसबारे मन्त्रालय अझै निष्कर्षमा पुगिसकेको छैन । मंगलबार मन्त्रिपरिषद्को बैठक रहेपनि यसबारे एजेण्डा नरहेको मन्त्रालय स्रोतको भनाइ छ ।

नेपाल विद्युत प्राधिकरणका कार्यकारी निर्देशक घिसिङको कार्यकाल यही भदौ २९ गते सकिँदैछ ।

दैनकि १८ घण्टासम्म लोडसेडिङ् भोग्ने गरेको आम नागरिकलाई घिसिङ्ले लोडसेडिङ्मुक्त बनाएका थिए ।

अबको चार वर्ष कार्यकाल पनि उनैलाई दोहोर्र्याउनु पर्ने आम नागरिकको माग सामाजिक सञ्जालमा व्यक्त गदौ आफ्नो आबज उठाउन थालेका छन् ।