अन्योलता हट्यो, हाउस वायरिङ्ग तारमा ८

अन्योलता हट्यो, हाउस वायरिङ्ग तारमा ८–१० प्रतिशत मुल्य वृद्धि

प्रकाशित मिति : बुध, साउन २१, २०७७
- शिखर श्रेष्ठ

साउन, काठमाडौ । व्यवसायीहरुमा अन्योलताका विच हाउस वायरिङ्ग तारको मुल्य वृद्धि भएको छ । गत हप्ता विद्युत संसार साप्ताहिक हाउस वायरिङ्ग तारको मुल्य वृद्धि विषयमा व्यवसायी नै अन्योलता विषयमा समाचार प्रकाशित भए सँगै केही दिनमा नै निमाले मुल्य वृद्धि भएको घोषणा गरेको छ ।

केही व्यवसायीले मुल्य वृद्धि स्वीकारे पनि केही व्यवसायीले मुल्य वृद्धि नभएको बताएका थिए । त्पश्चात हिजो मंगलबार देखी निमाले हाउस वायरिङ्ग केवलहरुमा ८ देखी १० प्रतिशत सम्म मुल्य वृद्धि भएको जनाएको छ ।

अन्तराष्ट्रिय बजारमा कपर तथा कच्च पदार्थमा मुल्य वृद्धि भए सँगै हाउस वायरिङ्ग तारको मुल्यमा पनि वृद्धि भएको हो ।

गत वर्ष वैशाखमा मुल्य वृद्धिको तालिका निकालिए पनि पुरानै दर रेट लागु गरिएको थियो । २०७५ जेष्ठ मा निकालिएको मुल्य तालिका अनुसार हिजो मंगलवारबाट ८ देखी १० प्रतिशत मुल्य वृद्धि गरिएको हो ।