झण्डै पौने ३ महिनाको लकडाउनपछि नयाँ मोडालिटी सुरु भएको छ । 

दैनिक जीवनयापनलाई सहज बनाउनका लागि लकडाउन हटाइयो भन्दैमा अब हामीसँग कुनै चुनौती नै छैन भनेर बुझ्नु हुँदैन । कोरोना सक्रमणको उच्च बिन्दुमा पुग्ने सम्भावना अझै पनि कायमै छ । त्यसैलेसरकारले लगाएका नीति र नियमहरुलाई पालना गर्नुपर्छ । 

बजार जाँदा पनि सामाजिक दूरी कायम गरौँ । भिडभाडमा जाँदा मास्क प्रयोग गरौँ । घरभित्र प्रवेश गर्दा अथवा कार्यालय जाँदा पनि साबुन पानीले हात धुने, सेनिटाइजर प्रयोग गर्ने लगायतका सावधानी अपनाउनु पर्छ ।

अनावश्यक रुपमा अस्पताललगायतका स्वास्थ्य संस्था जाने काम नगरौँ । अति आवश्यक परेमात्रै अस्पताल जाने गरौँ । अस्पताल भनेको निकै जोखिम स्थल हो । फलोअपका लागि बोलाउनुपर्ने बिरामीहरुलाई पनि लामो समयपछि मात्रै फलोअप गर्नेगरी उपचार पद्धति अपनाउनुपर्छ ।

 

मास्क लगाउने, सेनिटाइजर दल्ने र साबुन पानीले हात धुने गरेर मात्रै हुँदैन । भौतिक दूरी कायम गर्नु झनै महत्वको विषय हो । अर्को कुरा, प्रयोग गरिएका मास्कहरुमा सक्रमण रहने सम्भावना भएकोले त्यसलाई सुरक्षित रुपमा डिस्पोज गर्नुपर्छ । 

 

यत्रा गर्दा गाडीहरुमा सक्रमणको जोखिम अलि धेरै हुने गर्छ । गाडीमा आवत जावत गर्दा धेरै भिडभाड गर्न भएन । 

बजार जाँदा हामीले सामाजिक या भनौँ भौतिक दूरी कायम गर्नुपर्छ । एक व्यक्ति र अर्को व्यक्तिबीचको दूरी साढे १ मिटरभन्दा धेरै कायम गरौँ । अहिले पसलहरु पनि खुलेका छन् । पसलमा किन्ने र बेच्नेबीचको दूरी पनि कायम गर्नुपर्छ । मास्क लगाउने, सेनिटाइजर दल्ने र साबुन पानीले हात धुने गरेर मात्रै हुँदैन । भौतिक दूरी कायम गर्नु झनै महत्वको विषय हो । अर्को कुरा, प्रयोग गरिएका मास्कहरुमा सक्रमण रहने सम्भावना भएकोले त्यसलाई सुरक्षित रुपमा डिस्पोज गर्नुपर्छ । प्रयोग गरिएका मास्कलगायत सामग्रीबाट संक्रमण झन् बढ्ने खतरा हुने भएकोले यस विषयमा हामीले खेलाँची नगरौँ ।