विद्युत संसार जेठ,काठमाण्डौं ।सरकारले घोषणा गरेको बजेटको छुटका कारणले नेपाल विद्युत् प्राधिकरणका ८ लाख ग्राहस्थ (घरेलु) ग्राहकले निःशुल्क विद्युत् सेवा उपभोग गर्न पाउने भएका छन् । सरकारले घोषणा गरेको बजेटको छुटका कारणले नेपाल विद्युत् प्राधिकरणका ८ लाख ग्राहस्थ (घरेलु) ग्राहकले निःशुल्क विद्युत् सेवा उपभोग गर्न पाउने भएका छन् ।

 

अर्थमन्त्री डा। युवराज खतिवडाद्वारा बिहीबार संघीय संसदमा प्रस्तुत आगामी आर्थिक वर्ष २०७७(०७८ को बजेट वक्तव्यमा प्रतिमहिना १० युनिटभन्दा कम विद्युत् खपत गर्ने ग्राहस्थ ग्राहक (परिवार) लाई विद्युत् निःशुल्क उपलब्ध गराउने उल्लेख छ । प्राधिकरणका अनुसार, विद्युत्का करिब ४१ लाख ग्राहस्थ ग्राहकमध्ये त्यस्ता ग्राहकको संख्या ८ लाख छ ।

 

ती ग्राहक आर्थिक रुपमा विपन्न भएका कारण राहत दिने उद्देश्यले महसुल निःशुल्क दिने व्यवस्था मिलाइएको ऊर्जा, जलश्रोत तथा सिँचाइमन्त्री वर्षमान पुनले जानकारी दिए । ८ लाखमध्ये कतिपयले न्यूनतम शुल्कसमेत बुझाउन नसक्दा प्राधिकरणले विद्युत् लाइन काट्दै आएको थियो । “छुट पाउनेहरु अति विपन्न हुन्” मन्त्री पुनले भने, “विपन्नहरुलाई राहत होस् भन्नका लागि बजेटमै १० युनिटभन्दा कम उपभोग गर्ने ग्राहकलाई निःशुल्क विद्युत् उपलब्ध गराइएको हो ।” नेपालको इतिहासमै लक्षित ग्राहकका लागि विद्युत् निःशुल्क भएको यो पहिलो पटक हो ।

आगामी  साउन १ गतेदेखि नै यो व्यवस्था कार्यान्वयनमा आउने मन्त्री पुनले स्पष्ट गरे । मन्त्री पुनका अनुसार कोरोना भाइरसका कारण गत चैतदेखि सबै प्रकारका ग्राहस्थ विद्युत् ग्राहकलाई दिइँदै आएको २५ प्रतिशत छुट पनि लकडाउन अन्त्य नहुँदासम्मका लागि निरन्तरता दिइने छ । 

 

खानेपानीका ग्राहकलाई राहत खानेपानीका लागि प्रयोग हुने बिजुलीको डिमाण्ड चार्ज (न्यूनतम शुल्क) मा छुट दिने व्यवस्था पनि बजेटमा गरिएको छ । खानेपानी संस्थान, काठमाडौं उपत्यका खानेपानी लिमिटेड (केयूकेएल), देशभरका खानेपानी कार्यालय र खानेपानी उपभोक्ता समितिहरुले वितरण गर्ने पानीको विद्युत् महसुलमा न्यूतम शुल्क मिनाहा हुनेछ । खास गरी सहरी क्षेत्रमा डिप बोरिङमार्फत पानी संकलन गरी वितरण गर्ने निकायले विद्युत् प्रयोग गर्दै आएका छन् । न्यूनतम शुल्क मात्र मिनाहा गर्दा पनि विद्युत् प्राधिकरणलाई १७ करोड (गत आर्थिक वर्षको तथ्यांक अनुसार) व्ययभार पर्छ । सिधै पानीका उपभोक्ताले लाभ पाउने भएकाले डिमाण्ड शुल्कमा छुट दिने नीतिगत व्यवस्था मिलाइएको मन्त्री पुनले उल्लेख गरे । सिँचाइका ग्राहकलाई पनि छुट यस्तै कृषकहरुलाई सिधै राहत पुग्ने गरी सिँचाइमा प्रयोग हुने विद्युत्को पनि डिमाण्ड शुल्क (न्यूनतम शुल्क) मा मिनाहा गरिने भएको छ । दुई बिघाभन्दा वा सो भन्दा बढी जमिन भएका किसानलाई व्यक्तिगत र दुई बिघाभन्दा कम जमिन भएकाहरुलाई डिप तथा स्यालो ट्युबेलमार्फत सिँचाइ गर्ने किसानलाई सामूहिक रुपमा छुुट हुनेछ । नेपाल विद्युत् प्राधिकरणको तथ्यांकअनुसार त्यस्ता ग्राहकको संख्या १ लाख ४० हजार छ । सिँचाइमा न्यूनतम शुल्कमा छुट दिँदा एकमुष्ट रुपमा किसानले २ करोड ५० लाख रकम मिनाहा पाउनेछन् । 

 

औद्योगिक ग्राहकलाई विशेष व्यवस्था बजेटमा सबै प्रकारका औद्योगिक ग्राहकले पनि न्यूनतम शुल्कमा छुट पाउने व्यवस्था गरिएको छ । औद्योगिक क्षेत्र र सो भन्दा बाहिरका ठूला, मझौला, साना र घरेलु गरी सबै प्रकारका औद्योगिक ग्राहकले न्यूनतम शुल्कमा पूरै छुट पाउने छन् । यस्तै उद्योगहरुको इनर्जी चार्जमा रातिको (अफ् पिक) समयमा प्रयोग हुने विद्युत् शुल्कमा ५० प्रतिशत छुट हुनेछ । त्यसो गर्दा प्राधिकरणले १ अर्ब ७५ करोड व्ययभार व्यहोर्नुपर्छ । नेपाल विद्युत् प्राधिकरणले गत आर्थिक वर्ष २०७६(०७७ मा ९ अर्ब ७३ करोड खुद नाफा आर्जन गरेकाले शुल्क मिनाहा र छुट दिँदा पनि संस्थानलाई आर्थिक रुपमा प्रभाव नपर्ने विश्वास ऊर्जा मन्त्री पुनको छ । कारोबार दैनिक