अपर नौगाड जलविद्युत आयोजनाबाट विद्युत उत्पादन सुरु

प्रकाशित मिति : Wed-02-Oct-2019
- Admin

काठमाण्डौ, असोज । ८ मेगावाट क्षमताको अपर नौगाड जलविद्युत आयोजनाबाट विद्युत उत्पादन सुरु भएको छ । अपि पावर कम्पनी लिमिटेडले आनो दोस्रो परियोजनाका रुपमा निर्माण गरेको अपर नौगाड जलविद्युत आयोजनाले परीक्षण उत्पादन गत सोमबार देखि सुरु भएको हो ।

२०७३ असोजमा विद्युत खरिद बिक्री सम्झौता सम्पन्न भएको आयोजनाको कुल लागत एक अर्ब ६० करोड रुपैयाँ रहेको छ । आयोजनाले वार्षिक ४.८७ करोड किलोवाट विद्युत् उत्पादन गर्ने अनुमान छ ।

यसमध्ये सुख्खा महिनामा १.१४ करोड र वर्षा यामका चार महिनामा ३.७५ करोड किलोवाट विद्युत उत्पादन हुनेछ । यस आयोजनाबाट उत्पादन हुने विद्युत नेपाल विद्युत प्राधिकरणले निर्माण गर्ने अत्तरिया वलाँच सवस्टेशनमार्फत राष्ट्रिय ग्रिडमा जोडिने छ । यसबाट सुदुरपश्चिम प्रदेशमा भरपर्दो विद्युत आपूर्ति हुने विश्वास कम्पनीले लिएको छ ।