काठमाण्डौ, असोज । मायाखोला जलविद्युत आयोजनाको ४० प्रतिशत निर्माण कार्य सम्पन्न भएको छ ।  २०७४ असोजबाट सुरु भएको सो आयोजनाको ४० प्रतिशत निर्माण कार्य सम्पन्न भएको हो । 

संखुवासभामा निर्माणधीन १४.९ मेगावाट क्षमताको सो आयोजनाको २.२ किलोमिटर लामो मुख्य सुरुङ ७ सय २० मिटर खनिएको आयोजनाका संयोजक भरत थापाले बताए । सुरुङको आउट लेटतर्फ ७ सय तथा इन लेटतर्फ २० मिटर खनिएको उनले बताए । 

आयोजनाको संरचनामा ५ किलोमिटर लो प्रेसर पाइप र २.२ किलोमिटर सुरुङ रहने गरी निर्माण भइरहेको छ । असोज पछि बाँध र विद्युतगृहको संरचना निर्माणको काम सुरु गरिने संयोजक थापाले बताए ।  उनले विद्युतगृहमा जडान हुने इलेक्ट्रोमेकानिलक उपकरण आयात गर्ने ठेकेदारले काम सुरु गरिसकेको बताए । जग्गा अधिग्रहण, सट्टा भर्ना, मुआब्जा वितरण, आयोजना स्थलमा विद्युत पहुँच पुर्याउने लगायतका काम सम्पन्न भइसकेको प्रवद्र्धधक कम्पनी माया खोला हाइड्रो पावर कम्पनीले जनाएको छ ।

 यो आयोजना साढे २ वर्षअघि नै पुरा हुनुपर्ने भए पनि विद्युत जोडिने २२० केभी कोसी कोरिडोर प्रसारण लाइन निर्माणमा ढिलो भएपछि उत्पादन अवधि लम्विएको हो ।  पछिल्लो तालिका अनुसार आयोजनाले २०७७ असारदेखिे विद्युत उत्पादन सुरु गर्नेछ ।