घटेको मूल्यमा ग्याँस नबेच्ने व्यापारी आयल निगमले कारवाही गर्ने

प्रकाशित मिति : Tue-24-Sep-2019
- Admin

काठमाण्डौ, असोज । नेपाल आयल निगम (एनओसी) ले घटेको मूल्य अनुसार ग्याँस कारोबार नगर्ने व्यवसायीहरुलाई कारबाही गर्ने चेतावनी दिएको छ ।

निगमले एक विज्ञप्ति जारी गर्दै बजार अनुगमनका क्रममा पुरानै मूल्यमा एल.पी ग्याँस कारोबार भइरहेको पाइएकाले त्यसो नगर्न ग्याँस व्यवसायीलाई सचेत गराएको हो ।

निगमले निर्धाण गरेको मूल्य भन्दा बढीमा ग्यास बिक्रि गरेमा निगम कडा कारबाही गर्न बाध्य हुने विज्ञप्तिमा उल्लेख छ ।

आयल निगमले गत असोज ३ गते मध्यरातदेखि लागु हुने गरी एल.पी ग्याँसको मूल्य समायोजन गरेको थियो । खुद्रा मूल्यमा प्रति सिलिण्डर १३७५ रुपैयाँ रहेको मूल्यमा २५ रुपैयाँ घटाएको थियो ।