कञ्चनपुर, साउन । कञ्चनपुरको बेदकोट नगरपालिकाले सामुदायिक विद्यालयमा मेसिनबाट सेनेटरी प्याड लिन सक्ने गरी ‘एटिएम मेसिन’ जडान गरेको छ । नगरपालिकाले विद्यालयमा अध्ययनरत छात्राहरु सहजताका लागि २४ सामुदायिक विद्यालय र नौ वटा स्वास्थ्य संस्थामा सेनेटरी प्याड जुनसुकै बेला लिन सक्ने गरी सो मेसिन जडान गरेको हो । 

 

बेदकोट नगरपालिकाका नगरप्रमुख अशोककुमार चन्दका अनुसार नगरपालिकाले रु २६ लाख ३३ हजारमा सो मेसिन जडान गरेको बताए । महिनावारी भएको बेला पनि छात्राहरुलाई सहज हुने भएकोले मेसिन विद्यालयमै जडान गरिएका उनको भनाई रहेको थियो ।  महिनावारी भएका बेला छात्राहरु विद्यालय नआउने र बीचमै पढाइ छाड्ने लगायतका समस्या नदेखिउन भन्ने उद्धेश्यका साथ निःशुल्क सेनेटरी प्याडको व्यवस्था गरिएको नगर प्रमुख चन्दले बताए ।