काठमाण्डौ,साउन ।  गत आर्थिक वर्ष नेपाल विद्युत प्राधिकरणको नाफा  ७ अर्ब २० करोड रुपैयाँ पुगेकोे छ । लोडसेडिङ अन्त्य गरेर विद्युत प्रसारण र वितरणलाइनको सुदृढीकरणमा केन्द्रित भएको विद्युत प्राधिकरणको १४९ प्रतिशत नाफा वृद्धि हुँदा यति धेरै नाफा कमाएको हो । 

सिंहदरबारमा आयोजित पत्रकार सम्मेलनमा ऊर्जा जलश्रोत तथा सिँचाइ मन्त्री वर्षमान पुनले आर्थिक वर्ष २०७५/०७६ मा ७ अर्ब २० करोड नाफा भएको बताएका छन् ।  प्राधिकरणको नाफा आर्थिक वर्ष २०७४/०७५ मा साढे २ अर्ब मात्र नाफा भएको थियो  । त्यसको तुलना यो नाफा १४९ प्रतिशतले धेरै हो ।

यस्तै ब्याज र रोयल्टी गरी गएको आर्थिक वर्षमा प्राधिकरणले १५ अर्ब ५९ करोड रुपैयाँ राष्ट्रिय ढुकुटीमा जम्मा गरेको छ भने चुहावट पनि १५.३२५ मा झर्न प्राधिकरण सफल रहेको देखिन्छ । अघिल्लो वर्ष २०.४५५ चुहावट रहेकोमा यस वर्ष ५.१३ प्रतिशतले कमी भएको मन्त्री पुनको भनाई छ । २०७३ भदौबाट कुलमान घिसिङले नेतृत्व सम्हालेलगत्तै ठूलो घाटामा रहेको प्राधिकरणले नाफा आर्जन गर्न सुरु गरेको मन्त्री पुनले बताए । 

 

यस्तै गत वर्ष ७ अर्ब ५५ करोड युनिट बिजुली खपत भएको छ  । यसमध्ये प्राधिकरणको ३४५,निजी उत्पादकको २९५ र भारतबाट ३७ प्रतिशत आयात भएको छ । अहिलेसम्म ७८ प्रतिशत अर्थात ४५ लाख नागरिकको घरमा बिजुली पुगेको छ । गत वर्ष मात्रै १० प्रतिशत ग्राहक बढेका छन । कार्यक्रममा प्राधिकरणका कार्यकारी निर्देशक कुलमान घिसिङले अब प्राधिकरणमा धेरै सुधार भएको बताउँदै अब विद्युत प्राधिकरण पछाडि नजाने उनले बताएका छन् ।