काठमाण्डौ, साउन । नेशनल हाइड्रो पावर कम्पनीले अघिल्लो वर्षभन्दा ६ गुणा बढी नाफा गर्न कम्पनी सफल भएको छ । कम्पनीले सोमवार गत वर्षको चौंथो त्रैमासिक वित्तीय विवरण सार्वजनिक गरेको गर्दा कम्पनीले सो अवधिमा रू. ९७ लाख ६५ हजार खुद नाफा गरेको छ । यो नाफा अघिल्लो आर्थिक वर्षको सोही अवधिमा रू. १४ लाख ६७ हजार रहेको थियो । अघिल्लो वर्षभन्दा ६ गुणा बढी नाफा गर्न कम्पनी सफल भएको हो । 

 

गत वर्षको चौंथो त्रैमासमा कम्पनीले विद्युत विक्रीबाट रू. ५ करोड ३९ लाख ५५ हजार आम्दानी गरेको थियो । यस अवधिमा सञ्चालन मुनाफा रू. २ करोड ६७ लाख २३ हजार भएको छ । कम्पनीको शेयरपूँजी रू. १ अर्ब ३८ करोड ५९ लाख ११ हजार रहेको छ । जगेडा कोष भने रू. ४० करोड ५२ लाख ९५ हजार ऋणात्मक रहेको देखिन्छ । कम्पनीले अघिल्लो आर्थिक वर्षको तुलनामा यस वर्ष ऋणलाई कम गरेको छ । अघिल्लो आर्थिक वर्षमा रू. १४ करोड ५५ लाख ९ हजार ऋण रहेकोमा गत वर्ष रू. १० करोड ७५ लाख ९ हजार रहेको छ । कम्पनीको वार्षिक प्रतिशेयर आम्दानी रू. ३ दशमलव २२ रहेको छ ।