बाउलीखोलाले नहर बगाउँदाएक सातादेखि विद्युत् अवरुद्ध

प्रकाशित मिति : Sun-04-Aug-2019
- विद्युत संसार संवाददाता

मार्तडी,साउन । जिल्ला सदरमुकाम मार्तडीमा रहेको त्रिवेणी साना जलविद्युत् केन्द्रको विद्युत् सेवा अवरुद्ध भएको छ । शनिबार राति बाउलीखोलाले नहर बगाउँदा शनिबार रातिदेखि मार्तडीको विद्युत सेवा अवरुद्ध भएको हो ।

त्रिवेणी साना जलविद्युत् केन्द्रका व्यवस्थापक दयाराम पण्डितले लेकाली भेगमा अविरल वर्षापछि खोलामा बाढी बढेकाले नहर भत्काएपछि विद्युत् सेवा अवरुद्ध भएको बताए ।

उनले खोला एकतर्फी बगिरहेकाले आज आइतबार साँझसम्म विद्युत् सेवा सञ्चालन हुनसक्ने बताए । एकसातादेखि अनियमित हुँदै आएको विद्युत् पुनः खोलाले नहर बगाउँदा सेवाग्राही अझै मारका परेका छन् ।

एकसाता अघि विद्युतको जेनेरेटरमा आगलागी हुँदा अनियमित हुँदै गएको विद्युत् खोलाले नहर बगाउँदा झन पूर्णरुपमा अवरुद्ध भएको छ । विद्युत् अवरुद्ध हुँदा यहाँ यहाँका सरकारी तथा गैरसरकारी कार्यालयको दैनिक कामकाज ठप्प हुनुका साथै विभिन्न इलेक्ट्रोनिक सञ्चार माध्यमसमेत ठप्प भएका छन् । जलविद्युत् केन्द्रमा हाल १३ सय भन्दा बढी ग्राहक मर्कामा परेका छन् ।