काठमाण्डौ, साउन । विद्युत  नियमन आयोगले चार जलविद्युत कम्पनीलाई शेयर निष्कासनका लागि स्वीकृति दिएको छ । धितोपत्र बोर्डले स्वीकृतिका लागि पठाएका आयोजनाहरू आयोगका अध्यक्ष डिल्ली सिंहको अध्यक्षतामा बसेको बैठकले स्वीकृति दिने निर्णय गरेको हो । 

आयोजनाका प्रवद्र्धकहरूलाई सर्वसाधारण र स्थानीयवासीहरूका लागि १० ÷१० प्रतिशतका दरले शेयर निष्कासनका लाग स्वीकृति दिएको आयोगका प्रवक्ता डा. रामप्रसाद धितालले जानकारी दिए । ४० मेगावाटको खानी खोला जलविद्युत आयोजनाको प्रवद्र्धक ग्रिनलाइफ हाइड्रो पावर कम्पनीलाई ३४ करोड ९७ लाख ४० हजार रुपैयाँ अर्थात ३४ लाख ९७ हजार ४० कित्ता, २५ मेगावाटको दोर्दी खोला ए आयोजनाको प्रवद्र्धक लिबर्टी इनर्जीलाई ३७ करोड ५० लाख अर्थात ३७ लाख ५० हजार कित्ता र ७ मेगावाटको मर्दी खोला जलविद्युत आयोजनाको प्रवद्र्धक युनाइटेड इडी मार्दी एन्ड आरपी हाइड्रो लिमिटेडेलाई १० करोड ५० लाख अर्थात् १० लाख ५० हजार कित्ता शेयर निष्कासन गर्न स्वीकृति आयोगले दिएको छ । त्यसैगरी माउन्टेन इनर्जी नेपाललाई ३९ करोड ३६ लाख ५ हजार ४ सय अर्थात ३९ लाख ३६ हजार कित्ता शेयर निष्कासन गर्न आयोगले स्वीकृति दिएको छ । 

नियमन आयोगले तोकेको चारवटै परियोजनाको क्रेडिट रेटिङ गरिसकेको आयोजनालाई आयोगको प्रावधान अनुसार सबै सूचांकहरू उपलब्ध गराएकोले स्वीकृति दिएको प्रवक्ता धितालले जानकारी दिए ।