अज्ञात समुहद्धारा बुद्धका मूर्ति तोडफोड

प्रकाशित मिति : Sat-28-Jul-2018
- Admin

रुपन्देही, साउन । रुपन्देहीमा अज्ञात समुहद्धारा बुद्धका मूर्ति तोडफोड भएको छ । सिद्धार्थ राजमार्ग बुटवल बेलहीया सडक खण्ड अन्र्तगत बीच डिभाईडरमा नयाँ मिलदेखि शंकरनगर सम्म राखिएको गौतम बुद्धका मूर्ति तोडफोड भएको हो ।

शान्तिका अग्रदुत गौतम बुद्धको मूर्ति तोडफोड भएको प्रति रुपन्देही विद्युतीय व्यवसायि संघले आपत्ति जनाएको छ । उत्तरमा सिद्धबाबा, पूर्वमा गौतम बुद्धको मावली देवदह, दक्षिणमा गौतम बुद्धको जन्मस्थल प्रवेश गर्ने बेलहिया नाका, तिलोत्तमा नगरपालिका भित्र रहेका बुद्धका मूर्तिहरु तोडफोड हुनु मानवता विहिनता पराकाष्ट रहेको संघले जनाएको छ ।

बुद्धको मूर्ति तोडफोड गर्नु धर्म, संस्कृति र मूल्य मान्यता, शान्ति सुव्यवस्था माथि धावा बोल्नु, धार्मिक द्धन्द्ध निम्त्याउने, शान्ति सुव्यवस्थामा खलबलाउने गरी नियोजित रुपमा नै बुद्धको मूर्ति तोडफोड गरीएको र यो अत्यन्तै निन्दनीय रहेको संघले जारी गरेको प्रेस विज्ञप्तीमा उल्लेख छ । मूर्ति तोडफोड गर्ने समुह वा व्यक्ति को तत्काल पहिचान गरी कारवाहि गर्न समेत संघले माग गरेको छ ।