बन्द त्रिशूली विद्युत्गृह सञ्चालन

प्रकाशित मिति : Mon-26-Nov-2018
- Admin

काठमाडौँ, मंसिर । सर्किट बै्रंकरमा आगलागी भएर बन्द शनिबार अपराह्न देखि बन्द भएको त्रिशूली जलविद्युत केन्द्र आइतबार साँझदेखि सञ्चालनमा आएको छ ।

विद्युत गृहमा रहेका सातमध्ये चार वटा मेशिन सञ्चालनमा आएको र थप दुई मेशिन भने मर्मतमा रहेको केन्द्रका प्रमुख तारादत्त भट्टले जानकारी दिए । मर्मतमा रहेका मेशिनलाईसमेत शीघ्र मर्मत गरी सञ्चालनमा ल्याइने उनले बताए ।

शनिबार ३ नं ब्रेकरमा समस्या आएपछि आगलागी भएको थियो । विद्युतगृहमा आगलागी हुँदा त्यहाँ कार्यरत सुपरभाइजर गुञ्जन लामा र इञ्जिनीयर प्रविण चौधरी घाइते भएका थिए। घाइते दुवैलाई नेपाली सेनाको हेलिकप्टरबाट काठमाडौँ ल्याइएको थियो । घाइतेको हाल कीर्तिपुरस्थित वर्निङ अस्पतालमा उपचार भइरहेको प्रमुख भट्टले जानकारी दिए ।