काठमाण्डौ, कात्तिक ।  नेपाल विद्युत प्राधिकरणले तिहारलाई लक्षित गर्दै  एक हप्ता अघि देखि नै विद्युत व्यवस्थापन गरी देशभर लोडसेडिङ  नहुने जनाएको छ । प्राधिकरण कार्यकारी निर्देशक कुलमान घिसिङले तिहारको अवधिमा विद्युतको माग बढी हुने भए पनि लोडसेडिङ्ग नहुने बताएका हुन् । 
तिहारको बेलामा विद्युतको माग १ हजार २ सय ७० मेगावाट पुग्ने अनुमान रहेको मा यो भन्दा बढी विद्युत माग भए पनि समस्या नरहेको  निर्देशक घिसिङले जानकारी दिए । अघिल्लो वर्षको भन्दा यो तिहारमा धेरै सजिलो अवस्था रहेको उनले बताए ।  प्राधिकरणले बुधबार आयोजना गरेको पत्रकार सम्मेलनमा उनले कुनै प्राविधिक गडबढी हुँदाबाहेक अन्य अवस्थामा विद्युत् अवरुद्ध नहुने जानकारी दिए ।