रामपुर पाल्पा  पुस । भौतिक पूर्वाधार तथा यातायातमन्त्री रमेश लेखकले राष्ट्रिय गौरवको आयोजनाका रुपमा रहेको कालीगण्डकी करिडोरको काम तत्काल अघि बढाइने बताउनुभएको छ । 

रामपुर गङ्गा माविले आयोजना गरेको श्रीमद्भागवत महायज्ञको  यहाँ उद्घाटन गर्दै उहाँले कालीगण्डकीमा निर्माणका क्रममा अलपत्र परेको दुई पक्की पुलको कामसमेत अघि बढाउन पहल गर्ने आश्वासन दिनुभयो । एक प्रसङ्गमा उहाँले संविधान संशोधनबिना घोषणा गरिएको निर्वाचन मधेसकेन्द्रित दलले नमान्ने भएकाले निर्वाचनको वातावरण निर्माणकै लागि पनि संशोधन आवश्यक भएको बताउनुभयो । यही पुस २५ गतेसम्म चल्ने महायज्ञमा पं नारायणप्रसाद आचार्यले कथा वाचन गर्नुहुनेछ । रासस