विद्युतीय बसको खरीद प्रक्रिया अझै अन्योलमा

प्रकाशित मिति : Wed-01-Dec-1019
- Admin

काठमाण्डौ, मंसिर । साझा यातायात मार्फत सरकारले खरीद गर्ने भनिएको विद्युतीय बसको अझै टुङ्गो लाग्न सकेको छैन । भौतिक पूर्वाधार तथा यातायात मन्त्रालयले बस खरीदका लागि संस्थाको रु तीन अर्बको शेयर खरीद गरेको पाँच महिना बित्दा समेत खरीद प्रक्रिया अन्योलमा परेको हो ।

सरकारले दिएको कस्तो बस खरीद गर्ने भन्ने विवरण र साझाले बस खरीदका लागि गरेको तयारीमा फरक देखिएको भनी खरीद प्रक्रिया अघि नबढाउन साझालाई निर्देशन दिएको थियो । त्यसपछि मन्त्रालय र संस्थाबीच दुईपटक बैठक भए पनि टुङ्गो लाग्न नसकेको प्रवक्ता राजेश्वर ज्ञवलीले बताए ।

बस खरीद साझामा र्फत नै गरिने भए पनि कुन रूपमा गर्ने भनी टुङ्गो लाग्न नसकेको र आगामी बैठकबाट बाँकी विषय टुङ्गो लगाएर बस खरीद प्रक्रिया अघि बढाइने उनले बताए । काठमाडौँ उपत्यकाका स्थानीय तहसँगको सहकार्यमा ठूला बस सञ्चालन गर्दै आएको साझाले नेपाल सरकार मात्रै नभएर प्रदेश सरकार र स्थानीय तहसँगको सहकार्यमा विद्युतीय बस खरीद गर्ने र सञ्चालन गर्ने योजना बनाएको थियो ।